UYIRI

Nature writing in Tamil

Archive for May 2018

கிண்டி தேசியப் பூங்கா

leave a comment »

கிண்டி தேசியப் பூங்கா

மாநகரத்தின் மத்தியில் அமைந்துள்ள வெகு சில தேசிய பூங்காகளில் ஒன்று கிண்டி தேதியப் பூங்கா. சுமார் 2.7 சதுர. கி.மீ பரப்பில் அமைந்து இந்தியாவின் மிகச்சிறிய தேசியப் பூங்காக்களில் ஒன்று எனும் பெருமையும் இதற்கு உண்டு. தென்னகத்தின் அரிய வகை வாழிடமான வறண்ட பசுமைமாறா புதர்காடுகளைக் கொண்டது. நரி (Golden Jackal), வெளி மான் (Blackbuck), புள்ளி மான் (Spotted Deer), பலவகையான பாம்புகள் பறவைகள், மற்றும் தாவரங்களைக் கொண்டது.

Phoenix pusilla – ஒரு வகை ஈச்ச மரம் – தென்னிந்தியாவிலும், இலங்கையிலும் மட்டுமே தென்படும் அரிய தாவரம் – கிண்டி தேசியப் பூங்காவில் எடுக்கப்பட்ட படம்:                                Photo: A J T Johnsingh/Wikimedia Commons

ஒரு காலத்தில் (1670 களில்) தனியார் வேட்டைக்களமாக விளங்கிய இப்பகுதியை இந்திய அரசு 35,000 ரூபாய்க்கு 1821ல் வாங்கி அரசுடைமையாக்கப்பட்டு இங்கே கவர்னர் மாளிகை கட்டப்பட்டது. ஆரம்பத்தில் சுமார் 5 சதுர கி.மீ பரப்பில் இருந்த வனப்பகுதியை காப்புக்காடுகளாக 1910ல் அறிவிக்கப்பட்டது. எனினும் 1961 முதல் 1977 வரை, 1.7 சதுர கி.மீ நிலம் கல்வி நிறுவனம், நினைவாலயங்கள் போன்ற பல்வேறு கட்டடங்களுக்காக ஒதுக்கப்பட்டது. எஞ்சிய பகுதி பல இயற்கை ஆர்வலர்களின் பரிந்துரையின் பேரில் 1976ல் கிண்டி தேசியப் பூங்காவாக அறிவிக்கப்பட்டது.

Written by P Jeganathan

May 2, 2018 at 12:38 am