மன்னார் வளைகுடா கடல்வாழ் உயிரிகள் தேசியப் பூங்கா

மன்னார் வளைகுடா கடல்வாழ் உயிரிகள் தேசியப் பூங்கா

ஆவுளியா (Dugong dugon) படம்: விக்கிமீடியா 

சுமார் 10,500 சதுர கி.மீ பரப்பில் அமைந்த மன்னார் வளைகுடா உயிர்சூழல் மண்டலத்தில் ஒரு பகுதி இந்த தேசிய பூங்கா. இதன் பரப்பு சுமார் 560 சதுர கி.மீ (ராமேஸ்வரம், தூத்துக்குடி, திருநெல்வேலி, கன்னியாகுமரி பகுதிகளில் உள்ள கடற்கரைப்பகுதிகளை உள்ளடக்கியது. இதில் 21 தீவுகளும், அதனையடுத்த கழிமுகப் பகுதிகளும், பவளப்பாறை திட்டுக்களும் (Coral reefs), கடலோரக் காடுகளும், அலையாத்திக் காடுகளும், கடலடிப் புல்வெளிகளும் (sea grass meadows) அடக்கம். அருகி வரும் கடல் பாலூட்டியான ஆவுளியா (Dugong) இப்பகுதிகளில் தென்படுகிறது. பல வகை கடலாமைகள், கடல்வாழ் உயிரினங்கள், பவளப்பாறையைச் சார்ந்து வாழும் மீன்கள், வலசை வரும் பலவகையான நீர்ப்பறவைகள் என பல்வகையான உயிரினங்களின் வாழிடங்களைக் கொண்டது இந்த தேசியப்பூங்கா. இப்பகுதி ராம்சார் இடமாக அறிவிக்க பரிந்துரை செய்யப்பட்டுள்ளது.